ఆ తమిళ రీమేక్ లో రామ్??

Business

ఆ తమిళ రీమేక్ లో రామ్??






టాలీవుడ్ లో అసలే. హిట్ సినిమాలు లేక హీరోలు దర్శకులు అల్లాడి పోతున్న తరుణంలో
సరైన కథ ఎక్కడ దొరకుతుందా అన్న వేట విపరీతంగా సాగుతోంది. ఈ మధ్య ఎక్కువగా ఫ్లాప్ లలో వున్న హీరో రామ్ కోసం ఈ వేట ఇంకా ఎక్కువగా సాగుతుంది. అయితే ఈ వేట ఆగిందని లేటెస్ట్ గా ఓ తమిళ సినిమా హక్కులను హీరో రామ్ కోసం కొన్నారని వార్తలు వస్తున్నాయి. థ డ మ్ ఈ మధ్యనే తమిళంలో చిన్న సినిమాగా విడుదలై పెద్ద హిట్ అయింది ఈ సినిమా. చిన్నా చితకా విలన్ వేషాలు వేస్తూ ఈ మధ్య మణిరత్నం నవాబ్ లో ఒక పాత్ర పోషించిన అరుణ్ విజయ్ హీరో. చాలా చిన్న బడ్జెట్ తో తెరకెక్కించిన ఈ చిత్రం ఎలాంటి అంచనాలు లేకుండా విడుదలై మంచి కలెక్షన్లు నమోదు చేస్తోంది. సినిమా టోటల్ బిజినెస్ అక్కడ 15 కోట్లకు పైగా జరిగిందట.హీరో డబుల్ రోల్ చేసిన ఈ సినిమా ఇద్దరు లవర్స్ కథతో మాంచి సస్పెన్స్ థ్రిల్లర్ అంట తమిళ్ లో ఆడియన్స్ నుంచి సూపర్ రెస్పాన్స్ వచ్చింది.









దాంతో ఇప్పుడు తెలుగు ఇండస్ట్రీ జనాల కన్ను ఈ సినిమా మీద పడింది. ఇప్పడు ఈ సబ్జెక్ట్ ను తెలుగులో రీమేక్ చేయాలని ప్లాన్ చేస్తున్నారు నిర్మాత స్రవంతి రవికిషోర్.దానికోసం కాస్త గట్టిపోటీ ఎదుర్కోనే ఆయన ఈ సినిమా హక్కులు సాధించారు అని తెలుస్తుంది. ఈ మేరకు దాదాపు మంచి డీల్ తమిళ సినిమా నిర్మాతలతో సెట్ అయినట్లు తెలుస్తోంది. ఇప్పటి వరకు లవ్ స్టోరీ లు మాస్ మసాలా కమర్షియల్ సినిమాలు చేసిన హీరో రామ్ ఈ సినిమాతో ఒక డిఫరెంట్ సబ్జెక్ట్ టచ్ చేయబోతున్నాడని అనుకోవాలి.









ఇదిలా వుంటే ఇదే ప్రాజెక్టు కోసం పోటీపడిన మరో నిర్మాత టాగోర్ మధు కూడా ఇప్పుడు ఇందులో భాగస్వామిగా వుంటారు. అంటే రవికిషోర్, మధు కలిపి రామ్ హీరోగా ఈ సినిమాను నిర్మిస్తారన్నమాట. ప్రస్తుతం ఓ సినిమాను పూరి జగన్నాధ్ డైరక్షన్ లో చేస్తున్న రామ్, దాని తరువాత ఈ సినిమా మీదకు వస్తారు.


Post a Comment

0 Comments